ACTIVIDADES PARA ESTA SEMANA

Ola! 

Aquí deixamos un resumo con enlaces de todas as tarefas que poderes ir facendo estes días nas vosas casas.

MATEMÁTICAS

- Xogos online en https://vedoque.com

- Prácticas diarias coa app Smartick (tedes os usuarios e contrasinais no Abalar)


LINGUAS

Lecturas comprensivas para 1º: https://www.orientacionandujar.es/wp-content/uploads/2017/06/COLECCIÓN-LECTURAS-COMPRENSIVAS-1º-PRIMARIA-SAFA-ANDUJAR-parte-1.pdf


Lecturas comprensivas para 2º: https://www.orientacionandujar.es/wp-content/uploads/2017/01/lecturas-comprensivas-1.pdf 

Dictados para 1º e 2º:  https://drive.google.com/file/d/1-Bo9zRZG_INC5LK_5OkwzkG8N5EvvdeV/view?usp=sharing

Lembrade facer 15 minutos diarios de lectura en voz alta, cos contos que máis vos gusten!


MATEMÁTICAS E LINGUAS

Se tedes posibilidades de imprimir estes cadernos son moi atractivos:

- Caderno para 1º  https://info.tekmaneducation.com/hubfs/Cyberclick-EMAT-ES/1_EMAT_ES/1_POLO_DE_LIMON_ES.pdf?utm_source=landing&utm_medium=ematencasa&utm_campaign=descarga&hsLang=en 


- Caderno para 2º https://info.tekmaneducation.com/hubfs/Cyberclick-EMAT-ES/2_EMAT_ES/2_POLODELIMON_ES.pdf?utm_source=landing&utm_medium=ematencasa&utm_campaign=descarga&hsLang=en


MATEMÁTICAS, LENGUA, CIENCIAS E INGLÉS

Recurso moi completo con videos explicativos e materiais moi interesantes: https://www.rtve.es/educlan/6-8-anos/ 

PLÁSTICA
Para estes días gustaríanos que confeccionedes un cartel deseñando un superheroe con superpoderes para atravesar situacións de emerxencia e que loita contra un virus ata vencelo!

Tamén sería interesante facer cos nenos un cartel para pendurar nas ventás co arco da vella e coa mensaxe "Todo sairá ben". Algún de vós seguro que xa o tedes feito.



Animádevos tamén a participar no muro colaborativo que estamos facendo a nivel de centro en https://padlet.com/ceipdatorrecela/super

Ademáis na nosa web http://www.edu.xunta.gal/centros/ceiptorrecela/ tedes os enlaces a outros blogs como o de música, dinamización da lingua e biblioteca que podedes visitar para ver máis propostas.


Con moitas ganas de vernos. Saúdos e saúde!!

As titoras

PROPOSTAS DE RELIXIÓN

Ola, bo día familias!:

Espero que o esteades pasando o máis levadeiro posible.

Envíovos unha serie de propostas de actividades de traballo para repasar. Podedes facelas en folios ou libretas que teñades a man.

Xa sei que teredes otras tarefas pero trátase de que fagades o que boamente poidades e saibades ( 1 ou 2 cada catro ou cinco días), e se algo non entendedes, deixádeo e á volta xa falamos.

Repito, con calma e sen agobios, para entreterse e lembrar o dado.

E tende en conta que do aburrimento tamén se poden sacar cousas interesantes e moi positivas.

Seguro que axiña nos vemos, ánimo e un saúdo moi grande....

Picade na ligazón para ver os documentos:

- Primeiro de primaria: documento
- Segundo de primaria: documento

Unha aperta!

Profe Manolo

 

Día de Rosalía

Celebramos o nacemento de Rosalía. Traballamos a súa figura como a dunha superheroína da nosa lingua, dentro do noso proxecto dos superheroes. Profundizamos na súa biografía e obra no contexto lingüístico, realizando distintas actividades innovadoras que aquí vos presentamos. O día do acto común realizamos un recitado de poemas e visionamos un dos vídeos realizados co croma. Tamén nos acompañou Marcelo Dobode que nos deleitou con cantigas do seu novo traballo.

Entroidando no Torre-Cela!!!

Durante a semana do entroido os cativos acudiron á escola según o mandado de Torriño. Non faltaron pixamas, Rosalías e bascalleiros. E como non podía ser doutro xeito o cole encheuse de superheroes para dar o broche final á festa . O venres 21 de febreiro tivo lugar o gran desfile con actuación de comparsas. Primeiro e segundo de primaria foron disfrazado de Super Mar, superhéroes do Mar, reivindicando a concienciación de todas as persoas en contra da contaminación e baixo o lema DEIXA DE TIRAR PLÁSTICOS AO MAR! Non faltou a actuación cantada e a degustación de postres típicos do Entroido aportados polas familias.

Celebramos o día da Paz

Ao redor doutra  superheroína Malala, centralizamos a celebración do Día da Paz. Malala loitou polo dereito á igualdade e á educación de todos e todas. E como non podía ser doutro xeito, recibiu o Premio Nobel da Paz .

Traballamos arreo no contexto lingüístico sobre O lapis Máxico de Malala. Tampouco falataron noticias  relacionadas coa temática. Logo de todo o traballado tocounos realizar o Manifesto da Paz para a celebración deste día co resto de compañeiros/as do cole.

Neste acto común, o alumnado de 5 anos agradeceron a participación económica das familias coa ONG WWF para apadriñar catro animais que están en perigo de extinción pola contaminación. Tamén cantamos unha canción´, e non faltou o xa tradicional chocolate pola Paz que pretende unha xornada de convivencia con toda a Comunidade Educativa.

Pasamos por Radio Faladoiro. No seguinte enlace podedes escoitar o Manifesto pola Paz e o agradecemento do alumnado de 5 anos.

E chegou o Nadal!!!

Durante este mes traballamos no contexto Lingüístico sobre esta celebración: unha árbore de Nadal con superdesexos, un vídeo para felicitar as festas, obradoiro de postais, menú para o Nadal e contos co superhéroe Capitán corazón verde.

 

Non faltou a colaboración das familias que nos ofreceron obradoiros de contacontos e manualidades.
Tamen tivemos a visita dos paxes reais, a festa de fin de ano e a celebración do festival de Nadal.

VÍDEOS E FOTOS FESTIVAL E OBRADOIROS

BO NADAL E FELIZ 2020!!!

Samagosto = Samaín + Magosto

Un ano máis desfrutamos das festas do Samaín e do Magosto nun día. 

Na primeira parte da mañá celebramos o Samaín con obradoiros de maquillaxe, truco o trato apócema máxica e super contos a cargo de Mary Acuña e Luís Davila.

A partir das 12:00 horas chegou a hora do magosto co tradicional asado de castañas xogos tradicionais e disco dance.

Non fallaron as cabazas adornadas de superheroes aportadas polas familias, e corredores e espacios comúns foron decorados seguindo a temática do proxecto anual, con fotocol incluído.

E a pesar da climatoloxía a festa saíu de medo…

Grazas a todas as familias que colaboraron con nós para que fose un éxito!!!

No seguinte enlace podedes pinchar e escoitar os programas de radio que o alumnado de primeiro e segundo de primaria preparamos no contexto lingüístico.