Comenzamos co noso proxecto anual. Dentro da temática “Desenterrrando
os nosos tesouros, o alumnado de primeiro e segundo, traballaremos A ILLA DE
ONS.
Como actividade de motivación visitounos Arturo Sanchez Cidrás,
investigador do patrimonio local, que nos narrou lendas de seres mitolóxicos da
nosa contorna: londras da cova, rochas feridas, calamar xigante… e nos falou do patrimonio da Illa de Ons.
Recibimos tamén a visita de Julio Santos Pena, un dos
mestres da illa da década dos 70. Durante a visita contou aos nenos/as anécdotas
da vida na illa. Os alumnos/as fixeron numerosas preguntas ao mestre hoxe xubilado.
Julio Santos anunciou aos docentes e alumnos/as que está a piques de publicar
un libro titulado “Ons no meu corazón”.
A motivación rematará o martes 10 de outubro coa visita á
ILLA. Contaremos cun guía de luxo, Cesáreo, bisavó dun dos nosos alumnos, Cesáreo
de 2º de primaria.
Na seguinte entrada reportaxe da visita.
Cando o meu neno chegou a casa, non parou de contarme lendas que lle ensinou Arturo, tamen o profe que estivo na illa...nos estábamos expectantes e desexando que nos contara máis cousas pois descoñecíamos moitas delas e iso que visitamos todolos veráns a nosa illa preferida!!!
ResponderEliminar